Австралияда құс тұмауы балаға жұқты

Австралияда құс тұмауының жаңа штамы адамға жұқты, деп хабарлайды BAQ.KZ 24kz сілтеме жасап.

Бұл елде бұрын-соңды болмаған жайт. Вирус 2 жасар қыз баладан табылған.

Ол бірнеше ай бұрын Үндістанда болған екен. Мамандар балақай ауруды сол жерде жұқтырса керек дейді. Өйткені шетелде жүргенде-ақ өзін нашар сезінген. Елге оралғанда жағдайы нашарлап, ауруханаға түскен. Қазір қыз баланың халі жақсы

Бұдан бөлек, Австралияда құс тұмауы 5 фермада өршіп тұр. Салдарынан жарты миллионнан аса үй құсының көзі жойылды.

Осы жағдайға байланысты елде жұмыртқа бағасы күрт өсіп кеткен.