«Ауыл» партиясының мүшелері қолөнер шеберлерімен кездесті

Нұр-Сұлтан, BAQ.KZ. Кездесуге отандық қолөнер шеберлері қатысып, «Ауыл» Халықтық-демократиялық патриоттық партиясы мүшелеріне өз өнімдерін көрсетті. 

Шеберлердің басым бөлігі қандастар. «Ауыл» партиясымен кездесуге этно-дизайнер, Еуразия Дизайнерлер одағының мүшесі, Қазақ Ұлттық дизайн академиясының академигі Қазипа Қалиқызы, Дүниежүзі қазақтары қауымдастығының Ақмола облысы филиалының басшысы, графикалық жарнама дизайнері Алтынгүл Мәденқызы қатысты.

Кездесу барысында қандастарға мемлекет тарапынан жеңілдетілген кепілсіз несие беру, әлеуметтік көмек көрсету, жәрдемақы беру мәселесі көтерілді.