Audi Трамптың баж салығына байланысты АҚШ-қа көлік жеткізуді тоқтатты

Неміс автомобиль өндірушісі Audi АҚШ президенті Дональд Трамп енгізген баж салығы аясында АҚШ-қа көлік жеткізуді тоқтатты, деп хабарлайды BAQ.KZ Handelsblatt басылымына сілтеме жасап.

Компания АҚШ-тағы дилерлік орталықтарына көлік жеткізуді тоқтата тұру және елге келіп, бірақ қоймаларға жетпеген көліктерді сатуға қатысты хабарлама жіберген.

Сонымен бірге, Audi-ге орталықтарға баж салығы әсер етпейтін қойма қорларынан көліктерді сатуды жалғастыру тапсырылды. Қазіргі уақытта Audi-дің АҚШ-та 37 мыңнан астам автокөлігі бар екені анықталған.

Одан бұрын Volkswagen автоконцерні де өзінің дилерлік орталықтарына қоймалардағы көліктерді сатуды ескертті, себебі жаңа көліктердің жеткізілуі тоқтатылды.

26 наурызда Трамп әкімшілігі елден тыс жерде шығарылған барлық жеңіл автомобильдер мен жүк көліктеріне 25 пайыздық баж салығын енгізген болатын. Ақ үйдің бағалауы бойынша, бұл шара жыл сайын шамамен 100 миллиард доллар баж түсімін жинауға мүмкіндік береді.