+9

18 қаңтарға арналған ауа райы болжамы

18 қаңтарға арналған ауа райы болжамы

Астана, BAQ.KZ. "Қазгидромет" РМК синоптиктерінің болжамына қарағанда, бүгін ел аумағының басым бөлігінде ауа райы тұрақсыз болып, атмосфералық фронттардың өтуіне байланысты жауын-шашын түседі. Республиканың кей жерінде тұман, көктайғақ, бұрқасын болып, жел күшейеді.

 Түркістан облысының кей жерінде тұман, күндіз жел жылдамдығы 15-20 м/с, екпіні 23-28 м/с күшеюі мүмкін.

Алматы облысының кей жерінде тұман, көктайғақ, Жалаңашкөл ауданында жел 17-22 м/с болады.

Қызылорда облысының кей жерінде тұман, көктайғақ, жел жылдамдығы 15-20 м/с, күндіз екпіні 23 м/с дейін жетуі ықтимал.

Шығыс Қазақстан облысының түнде кей жерінде тұман түседі, күндіз Жарма ауданында жел 15-20 м/с болады.

Жамбыл облысының кей жерінде тұман түсіп, жел жылдамдығы 15-20 м/с, күндіз екпіні 23 м/с дейін күшеюі мүмкін.

Ақмола облысының кей жерінде тұман түседі, күндіз жел 15-20 м/с күшейеді.

Маңғыстау, Қостанай, Солтүстік Қазақстан облыстарының кей жерінде тұман, көктайғақ болып, жел жылдамдығы 15-20 м/с күшеюі ықтимал.

Батыс Қазақстан, Атырау, Актөбе, Павлодар, Қарағанды облыстарында кей жерінде тұман түседі, Атырау облысының кей жерінде көктайғақ болады.

Бөлісу:
Қысқа да нұсқа. Жазылыңыз telegram - ға
Өзгелердің жаңалығы