Ауа райына байланысты бірнеше өңірде ескерту жарияланды

Нұр-Сұлтан, BAQ.KZ. Қазақстанның 8 облысында және Нұр-Сұлтанда ауа райының қолайсыздығына байланысты ескерту жарияланды, деп хабарлайды Қазгидромет.

10 тамызда Нұр-Сұлтанда найзағай соғып, бұршақ жаууы мүмкін. Түнде және күндіз оңтүстік-батыс, оңтүстіктен соғатын желдің екпіні 15-20 м/с болады.

Осы күні Қызылорда облысының кей жерлерінде шаңды дауыл соғады. Түнде солтүстік-батыс, батыстан соғатын желдің екпіні 15-20 м/с, күндіз 15-20 м/с, кей жерлерде желдің екпіні 25 метрге дейін жетуі мүмкін. Күндіз облыста өрттің жоғары қаупі сақталады.

Қызылордада күндіз шаңды дауыл соғуы мүмкін. Батыстан соғатын желдің екпіні 15-20 м/с.

10 тамызда Қостанай облысында нөсер жаңбыр жаууы ықтимал. Кей жерлерде найзағай ойнап, бұршақ жауады. Түнде және күндіз тұман түсуі мүмкін. Оңтүстік-батыс, батыстан соғатын желдің екпіні 15-20 м/с.

Осы күні Қостанайда найзағай соғады.

Батыс Қазақстан облысының кей жерлерінде шаңды дауыл соғып, солтүстік-батыстан соғатын желдің екпіні 15-20 м/с-ке жетеді. 

Оралда солтүстік-батыстан соғатын желдің екпіні 18 м/с-ке жетуі мүмкін.

10 тамызда Түркістан облысында күндіз найзағай ойнап, батыстан соғатын желдің екпіні 15-20 м/с. Кей жерлерде өрттің жоғары қаупі сақталады.

10-12 тамыз аралығында Жамбыл облысында күндіз оңтүстік-батыстан соғатын желдің екпіні 15-20 м/с.

Осы күндері Таразда оңтүстік-батыстан жел соғып, оның екпіні 15-20 м/с болады. 

10 тамызда Павлодар облысында кей жерлерде найзағай ойнап, оңтүстік-батыстан жел соғады. Оның екпіні - 15-20 м/с. Осы күні Павлодарда күндіз және таңертең найзағай соғып, оңтүстік-батыстан соғатын желдің екпіні 18 м/с болады.

10 тамызда күндіз Солтүстік Қазақстан облысының басым бөлігінде жаңбыр жауады. Кей жерлерде тұман түсіп, найзағай ойнайды әрі кей жерлерде дауыл соғып, бұршақ жауады. Оңтүстіктен соғатын желдің екпіні күндіз 15-20 м/с. Тіпті, оның екпіні 23 м/с күшеюі мүмкін.

Осы күні Петропавлда тұман түсіп, найзағай соғады. Күндіз бұршақ жауып, оңтүстіктен соғатын желдің екпіні 15-20 м/с болады.

Атырау облысының кей жерлерінде солтүстік-батыстан соғатын желдің екпіні 15-20 м/с. 

10 тамызда Атырауда солтүстік-батыстан жел соғып, оның екпіні 15-18 м/с жетуі ықтимал.