Ауа райы. Тұман түсіп, жел соғып, көктайғақ болады

Нұр-Сұлтан, BAQ.KZ. Қазгидромет 16 қаңтарға арналған ауа райы болжамын жариялады.

Әлі де Баренц теңізі аудандарындағы белсенді циклон жаңбыр мен қар түрінде мол жауын-шашын әкелуде, оңтүстік Қазақстанның таулы аудандарында қатты жауын-шашын болады. Сондай-ақ, көктайғақ, қатты жел бұрқасынмен бірге, оңтүстік Қазақстанның таулы аудандарында желдің екпіні 30 м/с және одан да аса болады деп күтілуде. Республика бойынша кей жерлерде тұман түсуі мүмкін - делінген синоптиктердің болжамында.

Түркістан облысының оңтүстігінде, таулы аудандарында тұман түсіп, жел 15-20, облыстың солтүстігінде, батысында, таулы және тау бөктеріндегі аудандарда 23-28, таулы асуларда 30 м/с және одан да аса болады деп болжанады.

Ақмола облысының батысында, шығысында, солтүстігінде бұрқасын, көктайғақ, желдің жылдамдығы 15-20, күндіз солтүстік жартысында 23-28 м/с болуы мүмкін. 

Қостанай облысының оңтүстік-батысында көктайғақ, бұрқасын күтіледі, желдің күшеюі 15-20, екпіні 23-28 м/с дейін жетеді. 

Солтүстік Қазақстан облысының солтүстігінде, оңтүстігінде, батысында бұрқасын күтіледі, жел 15-20 м/с, түнде облыстың оңтүстік-батысында екпіні 23-28 м/с күшейеді. 

Қарағанды облысының солтүстігінде, батысында, шығысында бұрқасын, көктайғақ, оңтүстік-шығысында тұман, солтүстігінде, шығысында, облыстың орталығында желдің күшеюі 15-20, екпіні 25 м/с жетеді. 

Шығыс Қазақстан облысының түнде солтүстік-шығысында, күндіз батысында жаяу бұрқасын, көктайғақ, түнде орталығында желдің күшеюі, күндіз батысында, орталығында, оңтүстік-шығысында 15-20, екпіні 25 м/с болады. 

Павлодар облысының оңтүстік-шығысында бұрқасын, көктайғақ күтіледі, түнде солтүстігінде, күндіз оңтүстігінде, шығысында жел 15-20 м/с дейін жетеді. 

Жамбыл облысының солтүстігінде, таулы аудандарында тұман, оңтүстік-батысында, таулы аудандарда желдің күшеюі 15-20, екпіні 23-28 м/с жетуі мүмкін. 

Маңғыстау облысының басым бөлігінде, күндіз батысында көктайғақ, түнде батысында, орталығында желдің күшеюі 17-22 м/с жетеді. 

Атырау облысының басым бөлігінде көктайғақ, тұман түседі, солтүстігінде, батысында желдің күшеюі 15-20 м/с жетіп, жаяу бұрқасын соғады. 

Батыс Қазақстан облысының солтүстігінде, шығысында жел 15-20 м/с болып, бұрқасын болады. 

Ақтөбе облысының солтүстігінде, батысында, шығысында көктайғақ, бұрқасын күтіледі, жел 15-20 м/с күшейеді. 

Қызылорда облысының оңтүстігінде, орталығында тұман, көктайғақ, күндіз облыстың орталығында жел 15-20 м/с күшейеді.