Ауа райы болжамы: Аяздың беті қайта ма?

"Қазгидромет" РМК синоптиктері 25, 26 және 27 қаңтарға арналған ауа райы болжамын жасады, деп хабарлайды BAQ.KZ тілшісі.

Қазақстан аумағында жоғары қысым аймағының әсерінен негізінен жауын-шашынсыз ауа райы күтіледі, түнгі және таңертеңгі сағаттарда тұман болжанған.

Елдің басым бөлігінде түнде ауа температурасының біртіндеп 12-23 градусқа дейін, күндіз 5-13 градус аязға дейін жоғарылауы күтіледі. Оңтүстікте және оңтүстік-шығыста түнде 0-10 градус, таулы аймақтарда 13-18 градус аяз, күндіз 3-8 градус жылы, таулы аймақтарда 0-5 градус аяз болады, ал Батыс Қазақстанда түнде 7-17 градус аяз, күндіз 6 градус аяздан 2 градус жылыға дейін ауытқиды, - делінген хабарламада.