Атырауда бокстан жасөспірімдер арасында Қазақстан чемпионаты өтеді

Нұр-Сұлтан, BAQ.KZ. 10-14 сәуір күндері Атырауда бокстан жасөспірімдер арасында Қазақстан чемпионаты өтеді, деп хабарлады Olympic.kz. 

Бес күнге жалғасатын байрақты додаға барлығы 250-ге жуық былғары қолғап шебері қатысып, 20 салмақ бойынша өзара мықтыны анықтайды. 

Эпидемиологиялық талаптарды қатаң сақтай отыра жарыс көрермендерсіз өтеді. Айта кетерлігі, "Атырау" спорт копмлесінде ұйымдастырылатын додаға тек облыстық іріктеуден іркілмей өткендер ғана қатыстырылады.