Атырау облысында ер адамның құлдықта болғаны туралы ақпарат жалған – полиция

Атырау облысында ер адамның құлдықта болғаны туралы әлеуметтік желілерде таралған ақпарат шындыққа жанаспайды. Бұл туралы облыстық полиция департаментінің баспасөз қызметі мәлімдеді, деп хабарлайды BAQ.KZ.

Жеделхат арналарында таралған мәліметтерге сәйкес, 1971 жылы туған азаматтың құлдықта болғаны айтылған. Алайда, полицейлер бұл ақпаратты тексеріп, жалған екенін анықтады.

Атырау облысының полиция департаменті әлеуметтік желілерде таралған ақпаратқа байланысты жедел әрекет етіп, тексеру жүргізді. Нәтижесінде азаматтың мәжбүрлі түрде құлдықта болғаны туралы дерек расталған жоқ. Полиция қызметкерлері оның тұрғылықты мекенжайына барып, туыстарымен сөйлесті. Ақпараттың жалған екені анықталды, - делінген ресми хабарламада.

Құқық қорғау органдары тұрғындарды расталмаған ақпаратқа сенбеуге және тек ресми дереккөздерге сүйенуге шақырады.