Атырау облысында білім саласындағы мәселелер қалай шешіліп жатыр?

ОКҚ алаңында өткен брифингте Атырау облысы әкімі Серік Шәпкенов білім саласындағы мәселелер қалай шешілетінін айтып берді, деп хабарлайды BAQ.KZ тілшісі.

Облыста 200-ден астам мектеп бар. Оның 4 апатты, 11 үшауысымды. Биыл апатты мектептер мәселесін толығымен шешеміз. 2025 жылға қарай үшауысымды мектептер толығымен жойылады деген жоспар бар, - деп айтты өңір басшысы.

Шәпкеновтің айтуынша, 2025 жылға дейін 34 мектеп салынады. Осылайша 53 мыңнан астам орын құрылады. 12 мектеп «Жайлы мектеп» пилоттық жобасы аясында салынады.

Биыл «Жайлы мектеп» бойынша 9 мектептің құрылысын басталады.

Білім саласында тек білім инфрақұрылымымен ғана емес, сонымен қатар білім сапасын көтеруіміз керек. Қазір бұл бағытта ауқымды жұмыстар жүргізіліп жатыр, - деді әкім.

Сөзінше, мұғалімдердің біліктілігін арттыру бойынша бағдарламалар қабылданады.