Атырау облысы. Тұрғындарды эвакуациялау жұмыстарына 80 автобус дайындалды

Тұрғындарды эвакуациялау жұмыстарына 80 автобус дайындалды, деп хабарлайды BAQ.KZ.

Жылыой ауданында қарғын судың тасуынан төтенше жағдай жарияланып, тұрғындар қауіпсіз орынға көшіріліп жатыр.

Оларды белгіленген орыннан арнайы пунктке тасымалдау үшін жергілікті әкімдіктен 60, ТШО компаниясының мердігер мекемелерінен 20 автобус жұмылдырылды.

Қазір 2400-ден астам тұрғын эвакуациялық пунтке жеткізілді. Бұдан бөлек азаматтар вахталық кешенге де орналастырылады. Олар ыстық тағам мен сусын түрлерімен қамтылды. Жағдай облыс әкімінің жіті бақылауында.