Атырау әкімі де өз жалақысын айтты

Нұр-Сұлтан, BAQ.KZ тілшісі. Бұл туралы Атырау облысының әкімі Махамбет Досмұхамбетов ҚР Президенті жанындағы ОКҚ-да өткен брифингте айтты.

Жалақы бойынша айтатын болсақ, қазір өздеріңіз білетіндей, әкімдердің жалақысы өсті. Қазір мен айына 1 млн 954 мың теңге аламын, - деді ол.

Махамбет Досмұхамбетов өңірдің әлеуметтік-экономикалық дамуы туралы айтты.

Айта кетейік, осыған дейін Қызылорда облысының әкімі Гүлшара Әбдіқалықова, Қарағанды облысының әкімі Жеңіс Қасымбектің жалақылары белгілі болған еді.