31 Тамыз 2026, 07:51
Фото: instagram.com/asu_zulfikar57
Асу Алмабаев Түркиядағы грэпплинг турнирінде чемпион атанды
Алмабаев 60 келіге дейінгі салмақта Тәжікстан өкілі Халим Назрулоевпен титулдық белдесуге шықты.
Қазақстандық аралас жекпе-жек шебері Асу Алмабаев Стамбулда өткен ACBJJ 22 грэпплинг турнирінде жеңіске жетті.
Sports.kz-тің хабарлауынша, Алмабаев 60 келіге дейінгі салмақта Тәжікстан өкілі Халим Назрулоевпен титулдық белдесуге шықты. All-Stars Title Match мәртебесіндегі кездесу No-Gi, яғни кимонoсыз күрес ережесі бойынша өтті.
Белдесу қорытындысында төрешілер бірауыздан қазақстандық спортшыны жеңімпаз деп таныды. Осылайша Асу Алмабаев турнирдің чемпиондық атағын иеленді.
Айта кетейік, Алмабаевтың ММА-дағы соңғы ресми жекпе-жегі маусым айында өткен. Ол америкалық Чарльз Джонсонды үшінші раундта жеңген.