Астаналықтар өз үйлерін газдандыруға әлеуметтік көмекті қалай ала алады
Астанада газ жүргізуге біржолғы әлеуметтік көмек газдандыруға жататын жеке тұрғын үйлерде тұратын азаматтарға есептеледі, деп хабарлайды BAQ.KZ.
Газдандыруға жататын үйлердің иелері, сондай-ақ олардың отбасы мүшелері әлеуметтік көмек ала алады. Бұл ретте алушыларда және отбасының өзге өкілдерінде басқа тұрғын үй болмауы тиіс, ал жан басына шаққандағы орташа табыс төрт ең төменгі күнкөріс деңгейінен аспауы тиіс.
Әлеуметтік жәрдемақы алуға жасы бойынша зейнеткерлер; мүгедектігі бар адамдар; мүгедектігі бар балалар; көп балалы аналар мен көп балалы отбасылар; жетім балалар, ата-анасының қамқорлығынсыз қалған балалар, балалар үйінің түлектері; асыраушысынан айрылу жағдайы бойынша мемлекеттік жәрдемақы алатын азаматтар (бірге тұратын 18 жасқа дейінгі кәмелетке толмаған балаларға, оның ішінде 23 жасқа дейінгі күндізгі бөлімде оқитын балалар).
Әлеуметтік көмектің мөлшері өтініш берушінің газ жабдығын жүргізуге және орнатуға байланысты нақты шығындары негізге алына отырып айқындалады, бірақ 130 АЕК немесе 479 960 теңгеден аспайды.
Әлеуметтік көмек алу үшін «Электрондық үкімет» веб-порталы арқылы өтініш беру қажет. www.egov.kz немесе Жұмыспен қамту және әлеуметтік қорғау басқармасына келесі құжаттарды қоса беру керек:
1) жеке басын куәландыратын құжат;
2) адамның (отбасы мүшелерінің) табыстары туралы мәліметтер;
3) мәртебесін растайтын құжаттың көшірмесі;
4) жылжымайтын мүлікке тіркелген құқықтардың жоқ (бар) екендігі туралы анықтама;
5) газ жабдығын жүргізуге және орнатуға байланысты тұлғаның болған шығыстарын растайтын акт және / немесе құжат (чектердің, түбіртектердің көшірмелері, қызметтер көрсетуге арналған шарт және т. б.);
6) Екінші деңгейдегі банктегі немесе «Қазпошта» акционерлік қоғамындағы банктік шоттың нөмірі туралы мәліметтер.