Астанадан шығатын барлық бағыт бойынша жол жабылды

Ауа райының нашарлауына, көктайғақ пен дауылға байланысты Астанадан шығатын барлық жол жабылды, деп хабарлайды BAQ.KZ.

"ҚазАвтоЖол" сайты мәліметінше, Астанадан және Астанаға баратын барлық бағыттар бойынша көліктердің барлық түріне қозғалысқа шектеулер енгізілген.

Елордалық City Transportation Systems көлік компаниясы қала маңындағы барлық маршрутты уақытша тоқтатқанын хабарлады.

Ауа райының нашарлауына (жауын, көктайғақ, қатты жел) және жолдардың жабылуына байланысты, қала маңына қатынайтын барлық бағдарлардың қозғалысы уақытша тоқтатылды", - делінген хабарламада.