Астанадан Алматыға ұшатын рейс бір түнде үш рет кейінге шегерілді

Астанадан Алматыға ұшатын FlyArystan әуе рейсі бір түнде үш рет кейінге шегерілді деп хабарлайды BAQ.KZ AviaNews.Kz сайтына сілтеме жасап.

22 қыркүйекте "Fly Arystan" әуекомпаниясының KC - 7058 рейсінің жолаушылары Астанадан Алматыға ұша алмады. Рейстің уақыты үш рет ауыстырылды. Әуе компаниясының жолаушылары алғашқы хабарламаны сағат 22.00 - де алды.

КС - 7058 Астана — Алматы рейсі 22.09.2023 23:45-те өндірістік қажеттілік себебінен кешіктірілгенін хабарлаймыз, - делінген компанияның хабарламасында.

Рейстің ұшу уақыты 23 қыркүйекте сағат 00:20-ға ауыстырылды. Содан кейін 23 қыркүйекте таңғы сағат 04.30-ға және 04.45-ке ауыстырылды.

Кешіктірілген рейс жолаушыларының айтуынша, әуе компаниясы билетті қайтарудан бас тартқан, сондықтан көптеген адам басқа рейске билетті өз бетінше сатып алуға мәжбүр болған.

Ережеге сәйкес, рейс 4 сағаттан артық кешіктірілгендіктен "Fly Arystan" әуе компаниясы жолаушыларға ыстық тамақ ұсынды.