Астанадағы жарылыстың алдын ала себебі айтылды

Астананың Төтенше жағдайлар департаменті "Хан шатыр" сауда үйі маңында салынып жатқан тұрғын үй кешеніндегі бірқатар жарылыстың алдын ала себебін атады, деп хабарлайды BAQ.KZ.

23 мамырда сағат 16:28-де Астана қаласы Төтенше жағдайлар департаментінің өрт сөндіру бөлімшелері Мұхамедханов көшесіндегі жаңадан салынған нысанда өрт шыққаны туралы келіп түскен хабарламаға барды. Өрт сөндірушілер оқиға орнына 6 минутта жетті. Үш газ баллоны жарылғаны анықталды, сондай-ақ 15 рулон шатыр материалы жанған. Өрт сөндірушілер өртті сағат 16:45-те ауыздықтады. Өртті сөндіруге Астана қаласы Төтенше жағдайлар департаменті жеке құрамының 19 адамы мен 4 техникасы жұмылдырылды, - деді ТЖД өкілдері.

Астана денсаулық сақтау басқармасы оқиға салдарынан зардап шеккендер жоқ екенін растады.