Астанадағы мектепте балаларды ұрған оқушылардың кім екені анықталды

Бассыздық ұйымдастырған оқушылар бақылауға алынды, деп хабарлайды BAQ.KZ тілшісі.

Білім басқармасы Астанадағы мектептердің бірінде 9-сынып оқушыларының балаларды соққыға жығып жатқан видеоға ресми мәлімдеме жасады.

Оқиға 4 қыркүйекте болған. Бүгінгі таңда оқушылардың жеке басы анықталды. Мектеп басшылығы жауапты полиция инспекторы және ата-аналармен бірлесіп түсіндірме жұмыстарын жүргізіп, оқушылармен әңгімелесті. Оқушылар мектепішілік бақылауға алынды, - деді Білім басқармасы.

Оқушылардың әрекетіне қалалық департамент құқықтық баға береді.

Бүгін Астанада 9-сынып оқушылары арасында болған төбелес жайында жазған болатынбыз.