Астанадағы LRT станцияларына атауы беріледі

2025 жылы 19 тамызда сағат 10:00-де Астана қаласы мәслихатының сегізінші сайланымының кезектен тыс сессиясы шақырылады, деп хабарлайды BAQ.KZ.

Бұл туралы мәслихаттың ресми сайтында жарияланды.

Сессияның қарауына келесі сұрақтар енгізіледі:

1. Астана қаласының жеңіл рельсті көлік станцияларына атау беру туралы.
2. «Қазақстан Республикасының елордасы – Астана қаласын басқару тәсімі туралы» Астана қаласы мәслихатының 2023 жылғы 9 тамыздағы № 62/7-VIII шешіміне толықтыру енгізу туралы.
3. Астана қаласында құқық бұзушылықтардың алдын алу жөніндегі ведомствоаралық комиссиясының құрамы туралы.
4. Астана қаласы мәслихаты депутатының өкілеттігін мерзімінен бұрын тоқтату туралы.