Астанадағы «Брюссель» тұрғын үй маңында қамыстан өрт шықты

Астанада «Брюссель» тұрғын үй кешені маңындағы қамыстан өрт шықты, деп хабарлайды BAQ.KZ.

Астана ТЖД баспасөз қызметінің хабарлауынша, өрт сөндірушілер келгенше тұрғын үй маңындағы өрт 400-500 шаршы метр аумақты қамтыған.

3 мамыр күні сағат 20:50-де Астана ТЖД Өрт сөндіру бөлімшелері Қайым Мұхамедханов көшесі, 28а мекенжайы бойынша шақыруға шықты. Өрт сөндірушілер келгенде шамамен 400-500 шаршы метр аумақта қамыс пен құрғақ шөптің жанғанын анықтады, - деп жазды ТЖД.

Мамандар өртті оқшаулады.

Қамыс өрті тоқтатылды, шамамен 1000 шаршы метр аумақ өртеніп кеткен. Оны сөндіруге қалалық ТЖ департаментінің жеке құрамынан 14 адам және 3 техника жұмылдырылды, - деп жазды ведомство.