Астанадағы №228 сайлау учаскесінде дауыс беру рәсімі өтіп жатыр

Астана қаласындағы №228 сайлау учаскесінде дауыс беру рәсімі өтіп жатыр. Учаскелік сайлау комиссиясының 9 мүшесі жұмыс істеп жатыр, деп хабарлайды BAQ.KZ тілшісі.

Қазір дауыс беру барысын бақылауға тіркелген байқаушылар саны 25-тен асты. Олардың қатарында шетелдік байқаушылар да бар.

Дауыс беру басталар алдында учаскеде тиісті рәсімдер жүргізіліп, жәшіктердің дайындығы тексерілді. Комиссия мүшелері өз міндеттеріне кірісіп, учаске сайлаушыларды қабылдай бастады.