Астанада жеңіл көлік автобуспен соқтығысты

Астанада жеңіл көлік пен автобустың қатысуымен жол апаты болды, деп хабарлайды BAQ.KZ.

Жол-көлік апаты 4 маусым күні сағат 15:33-те елордадағы Жұмабаев көшесінде болған.

Астана қалалық Полиция департаментінің мәліметінше, Nissan көлігінің жүргізушісі қарсы жолаққа шығып кетіп, жолаушылар автобусымен соқтығысқан.

Жол-көлік апатынан жеңіл көліктегі жолаушылар зардап шеккен. Үш жолаушы ауруханаға жеткізілді. Оқиғаға байланысты тергеу жүріп жатыр.