Астанада жаңа газ жылу станциясы салынады

Астана қаласының әкімі Жеңіс Қасымбек Instagram парақшасында бас қаланың тыныс-тіршілігі үшін маңызды әлеуметтік нысандар туралы атап өтті, деп хабарлайды BAQ.KZ елорда әкімдігінің ресми сайтына сілтеме жасап.

Қала әкімі ЖЭО-3 құрылысы аяқталатынын мәлімдеді. Бұған дейін ЖЭО-3 құрылысын Әлихан Смайыловтың өзі жеке тексергенін хабарлағанбыз.

Қаланың тіршілігі тоқтаусыз жүру үшін бірқатар маңызды нысан саламыз. Олар – «Тұран» және «Оңтүстік-Шығыс» газ жылу станциялары, сондай-ақ құрылысы ұзаққа созылған ЖЭО-3 нысанын аяқтаймыз. ҚР Премьер-министрі Әлихан Смайылов инфрақұрылым нысандарының құрылыс барысын тексерді.

Қалада жылыту маусымы шамамен 7 айға созылады. Газ жылу станциялары мен ЖЭО-3-ті алдағы жылыту маусымында кезең-кезеңімен пайдалануға беруді жоспарлап отырмыз.

Мәселен газ жылу станциялары мен ЖЭО-3 осы жылыту маусымында 1100 Гкал/сағ жылу береді, бұл бізге профицитке шығуға мүмкіндік береді. Сонымен қатар биыл үшінші газ жылу станциясының құрылысын бастауды жоспарлап отырмыз, - деп жазды Жеңіс Қасымбек.