Астанада Web-Хакатон жеңімпаздары анықталды

Бүгін Astana Hub-та GOWEB 2023 Web-Хакатонының финалы өтті, деп хабарлады BAQ.KZ тілшісі.

Іс-шараға 12-17 жас аралығындағы жас веб-әзірлеушілер мен веб-дизайнерлер қатысты. Хакатонды El Umiti корпоративтік қоры ұйымдастырды.

Еліміздің түкпір-түкпірінен 450-ден астам қатысушы 4 номинация бойынша өз жұмыстарын жіберді:

12-14 жас – веб-әзірлеу;

12-14 жас – веб-дизайн;

15-17 жас – веб-әзірлеу;

15-17 жас – веб-дизайн.

Финалға Астана, Алматы, Өскемен және Қарағанды қалаларынан келген 40 оқушы қатысты.

12-14 жас аралығындағы веб-әзірлеушілер «Салауатты өмір салты» тақырыбы бойынша, ал 15-17 жас аралығындағы қатысушылар «Қалдықсыз өмір» тақырыбында сайт жасады.

Веб-әзірлеу санаты бойынша:

1-орын - Тамерлан Нуралим (12-14 жас), Жарас Даулет (15-17 жас);

2-орын - Райымбек Таджигали (12-14 жас), Таир Дулатулы (15-17 жас);

3-орын - Ерасыл Маратбеков (12-14 жас), Руслан Сатыбалдиев (15-17 жас) үздік атанды.

Веб-дизайн санаты бойынша жеңімпаздар:

1-орын - Айнур Елмураткызы (12-14 жас), Анель Уруспаева (15-17 жас);

2-орын - Тагабай Расул (12-14 жас), Аружан Амангелді (15-17 жас);

3-орын - Дарья Софронова (12-14 жас), Константин Козлов (15-17 жас).

Үздік веб-әзірлеушілерге MacBook, ал үздік веб-дизайнерлер стилус пен iPad сыйлығы берілді.