Астанада тұрғын үйлердегі өрт 14%-ға төмендеді

Астана қаласы аумағында 2022-2023 жылдары тұрғын үйлердегі өрт 14%-ға төмендеген, деп хабарлайды BAQ.KZ тілшісі.

Бұл туралы Астана қаласының орталық коммуникациялар қызметінде өткен брифинг барысында Mемлекеттік өрт бақылау басқарамасының бастығы Еркін Отарғалымұлы мәлімдеді.

2022-2023 жылдардың өткен жылыту кезеңінде Астана қаласының аумағында тұрғын үй секторында 196 өрт тіркелген. Оның ішінде уақытша үй – 11, гараж - 8, жатақханалар – 4, ауладағы жайларда – 40, жеке үй – 57, моншалар, сауналар – 18, саяжай – 4, көппәтерлі тұрғын үйлерде – 57 өрт болған.

Тұрғын үйлердегі өрттің қауіпті факторларынан өрттен 31 адам жарақат алса, 49 адам түтіннен уланған. Сондай-ақ, өрт кезінде 89 адам құтқарылған.

Өрт қауіпсіздігі талаптарын бұзудың негізгі себептері-төмен калориялы өрт көзі, электр жабдықтарын жөндеу ережелерінің және техникалық пайдалану бұзушылығы,-дейді Еркін Отарғалымұлы.

Mемлекеттік өрт бақылау басқарамасы өрт қауіпсіздігін алдын-алу мақсатыда профилактикалық шаралар өткізіп тұрады.