Астанада тұрғын үйдегі өрттен 18 адам құтқарылды

Астанадағы Абылай хан даңғылында орналасқан тұрғын үйден өрт шықты, деп хабарлайды BAQ.KZ.

ТЖД мәліметінше, тілсіз жаудың тұтануына электр сымдарының қысқа тұйқыталуы себеп болған.

16 ақпанда сағат 18.29-да Абылай хан даңғылы 26/1 мекенжайындағы тұрғын үйде шыққан өртті сөндіруге кірісті. Онда бірінші қабатта электр қалқаны үй-жайында электр сымдары қысқа тұйықталып, одан әрі электр сымдары жанып, жертөле үй-жайларындағы қосалқы бөлмеге таралған. Өрттің ауданы 15 шаршы метрді құраған. Өрттен 18 адам, оның ішінде 4 бала эвакуацияланды. Өрт сағат 18.53-те оқшауланды, 19.15-те сөндірілді, - деп атап өтті ведомстводан.

Өртті сөндіруге жеке құрамынан 19 адам және 4 техника жұмылдырылды.