Астанада Тұран даңғылының бір бөлігі үш күнге жабылады

Астанада тағы бір жол учаскесінде көлік қозғалысына шектеу қойылды, деп хабарлайды BAQ.KZ.

Астана қаласының көлік және жол-көлік инфрақұрылымын дамыту басқармасы төменде берілген схемаға сәйкес Тұран даңғылының жергілікті жол жүру учаскесінде кәріз желісін кесу жұмысы жүргізілетінін хабарлайды.

Фото: Астана әкімдігі

Жергілікті жол учаскесі 3-5 тамыз аралығында толығымен жабылады.

Астана тұрғындары мен қонақтарынан қала жолдарында кептеліс болмас үшін өз маршрутын алдын ала жоспарлауын сұраймыз. Уақытша қолайсыздық үшін кешірім сұраймыз және жол-құрылыс жұмысына түсіністікпен қарайды деп үміттенеміз, – дейді әкімдіктен.