Астанада тағы бес автобус бағытының қозғалыс сызбасы өзгерді

Бұл туралы City Transportation Systems компаниясы хабарлады.

Өзгерістер №1, №20, №70, №35 және №36 автобус бағыттарына қатысты.

Жолдың жабық учаскелеріне байланысты аталған автобустар уақытша өзгертілген бағытпен қатынайды. Осыған орай кейбір аялдамаларда жолаушыларды отырғызу және түсіру уақытша жүзеге асырылмайды.

Қала тұрғындары мен қонақтарына сапарларын алдын ала жоспарлап, қоғамдық көлік қозғалысындағы өзгерістерді ескеруге кеңес берілді.