Астанада тағы 8 автобустың бағыты өзгерді

City Transportation Systems компаниясы елордада тағы бірнеше бағыт ауысып, қоғамдық көлік айналып жүретінін еске салды, деп хабарлайды BAQ.KZ.

Жол жөндеу жұмыстары аяқталғанға дейін № 18, 52, 54, 57, 121, 120, 24, 24Н бағдарларының қозғалыс сызбасы уақытша өзгерді, - деп хабарлады компаниядан.

Өзгерген қозғалыс сызбасымен мына сілтемеде таныса аласыздар.

Сапарларыңызды алдын ала жоспарлауды сұраймыз, - делінген хабарламада.

Сонымен қатар жол жөндеу жұмыстарына байланысты Қошқарбаев даңғылы бойымен Абылай хан даңғылына бара жатқан жолдағы «№ 1 қалалық аурухана» аялдамасына өтетін жол жабық.

Сондықтан № 9, 11, 22, 22А, 28, 47, 48, 71 бағдарлары аталған аялдамада уақытша жолаушыларды отырғызып-түсірмейді.