Астанада Республика күніне орай күрделі жөндеуден өткен аулалар салтанатты түрде ашылды

Республика күні қарсаңында елорданың Сарыарқа ауданында мына мекенжайлар бойынша күрделі жөндеуден өткен аулалар салтанатты түрде ашылды: Ш.Қосшығұлұлы көшесі, 17 және 19, деп хабарлайды Астана әкімдігінің ресми сайты.

Дәстүр бойынша жаңартылған балалар алаңы әртүрлі жас топтарына арналған заманауи ойын алаңдарымен жабдықталған. Сонымен қатар, тұрғындардың өтініші бойынша мұнда қауіпсіз тартан мен жасанды жабын, сондай-ақ спорт алаңдары мен орындықтары бар демалыс орындары орнатылды, бұл әр адамға белсенді демалыс және уақытты пайдалы өткізуге мүмкіндік береді.

Енді балаларыммен бірге олардың қауіпсіз және заманауи алаңдарда ойнайтынын біліп, аулаға алаңдамай шығатын болдық. Барлығы біздің тілегімізді ескере отырып жасалды. Біз екінші жыл қатысып, биыл жобаны жеңіп алдық, - дейді үй тұрғыны Зульфия Серғалиева.

Биыл Сарыарқа ауданында 66 аула күрделі жөндеуден өтті, бұл тұрғындардың белсенді қолдауы мен «Халық қатысатын бюджет – 2024» бағдарламасына қатысуының арқасында мүмкін болды. Жөнделген аулалардың жалпы санынан 43 мекенжай осы бағдарлама бойынша ретке келтірілді, ол қала тұрғындарының ұсыныстары мен бастамаларын есепке алуға бағытталған. Оның ішінде, тұрғын алаптардағы 15 аула барлық жастағы топтардың жайлы және қауіпсіз демалуына ықпал ететін жаңа заманауи алаңдар мен инфрақұрылымға ие болды.

Биыл Астанада барлығы 170 аула мен қоғамдық орын абаттандырылады. Жұмыс қаланың барлық ауданын, оның ішінде тұрғын үйлерді қамтиды. Жұмыстың басым бөлігі қазірдің өзінде аяқталды.