Астанада құрылыс алаңындағы контейнер өртенді

Астана қаласы Нұра ауданындағы Тұран даңғылында құрылыс алаңында жеке тұрған контейнер өртенді, деп хабарлайды BAQ.KZ.

Төтенше жағдайлар министрлігі таратқан мәліметке сәйкес, өрт сөндірушілердің үйлесімді және жедел әрекеттерінің арқасында тұрмыстық үй-жайға бейімделіп жабдықталған контейнердің жануы 80 шаршы метр аумақта толығымен сөндірілді.

Зардап шеккендер жоқ. Өрттің шығу себебі анықталуда.

ТЖМ тұрғындарды өрт қауіпсіздігі ережелерін қатаң сақтауға шақырады.