Астанада қазақ күресінен әлем чемпионаты өтеді

12-14 желтоқсан аралығында Жақсылық Үшкемпіров атындағы Жекпе-жек сарайында қазақ күресінен Әлем чемпионаты өтеді, деп хабарлады BAQ.KZ.

Дүбірлі додаға әлемнің 40-қа жуық мемлекетінен 350 балуан қатысады.

Әлемдік додада ұлттық құраманың өкілдері, «Дала Қыраны» титулының иегерлері ел намысын қорғайды. Олар: Бекжан Төлепов (55 кг.), Марат Нигматуллаев (60 кг.), Нұр Аманшүкіров (66 кг.), Жұмажан Қожамбеков (74 кг.), Айдын Дартаев (82 кг.), Тоқтарбек Айдарбек (90 кг.), Мұхит Тұрсынов (100 кг.) және Нұрдәулет Жарылғапов (+100 кг.).

Атап өтейік, бұл – 3 жас мөлшерін (ересектер, жастар және жасөспірімдер) қамтыған алғашқы әлем чемпионаты.