Астанада өрттен 15 бала құтқарылды

Елордалық өрт сөндірушілер 30 адамды, оның ішінде 15 баланы құтқарды, деп хабарлайды BAQ.KZ.

Бүгін сағат 18:38-де Астана қаласы ТЖД бөлімшелері Нәжімеденов 39 мекенжайы бойынша төртінші қабаттағы пәтердегі өртке шықты.

Қатты түтін болды, өрт сөндірушілер дереу өртті сөндіруге кірісті. Елордалық өрт сөндірушілердің күшімен қазіргі уақытта 30 адам құтқарылды, оның ішінде 15 бала, 38 адам эвакуацияланды, оның ішінде 15 бала. Өртті сөндіруге елордалық ТЖД жеке құрамының 29 адамы және 8 техникасы жұмылдырылды, - деп хабарлады ТЖМ.