Астанада конкурдан ашық қалалық турнир өтеді

7 шілдеде Астанада секіру бойынша ашық қалалық турнир өтеді. Жарыс Елорда күніне орайластырылған, деп хабарлайды BAQ.KZ қалалық әкімдіктің ресми сайтына сілтеме жасап.

Ең мықты жылқылар мен шабандоздар әртүрлі биіктіктегі 7 маршрутта өз шеберліктерін көрсетеді. Жарыс сағат 10:00-де «Арғымақ» ат-спорттық сауықтыру кешенінде басталады.

Турнирдің жалпы жүлде қоры – 12 миллион теңге. Жарыстарда ең үздік шабандоздар анықталады. Көрермендер үшін кіру тегін.

Іс-шара елорда әкімдігінің қолдауымен өтеді және оны Астананың ұлттық және олимпиадалық ат спорты түрлері федерациясы ұйымдастырады.