Астанада «KitapTime – 2023» фестивалі өтеді

Астанада «KitapTime – 2023» ІІ жалпы республикалық кітап фестивалі ұйымдастырылады, деп хабарлайды BAQ.KZ.

Ұлттық академиялық кітапханасы 15 қыркүйек күні Мәдениет және ақпарат министрлігінің қолдауымен кітап оқуды кеңінен насихаттау, интеллектуалды жастарды ынталандыру, мәдени құндылықтарымызды халыққа жеткізу мақсатында «KitapTime – 2023» ІІ жалпы республикалық кітап фестивалін ұйымдастырады.

Бұл күні Ұлттық аккадемиялық кітапхана бастамасымен дәстүрге айналған «KitapTime – 2023» фестивалін қолдау мақсатында республиканың көпшілік кітапханалар ұйымдастыруымен өңірлерде кітап мерекесі өтеді.

Фестиваль аясында баспалардың қатысуымен көрме-жәрмеңке, «Art-vision» қолөнер шеберлері мен суретшілердің павильоны, bookcrossing, «Photo zone», балалар шығармашылығына арналған алаңда ертегілер қойылымы, «Балапан саз» ән антологиясының таныстырылымы, балалар әдебиетінің кейіпкерлер шеруі, «Rreader» - жұлдыздар қатысуымен кітапханаға жазылу акциясы, О. Бөкейдің 80 жылдығына арналған ғылыми конференция ұйымдастырылып, фестиваль «Кітапхана түні» мәдени шарамен жалғасын табады.

«Кітапхана түні» бағдарламасы бойынша танымал коуч-тренерлердің үйлестіруімен бизнес-коучинг, психологиялық-коучинг, жылдам оқудан мастер-класс, Qazaq toastmasters club жетешілерінің тренингі, «Muzycal party» классикалық музыка кеші, «Quiz» интеллектуалдық алаңы, шығармашылық антикафе, жас ақындардың алаңы. «Таңғажайып Үндістан» кинокөрсетілімі, жастардың қатысуымен Cover show, Астана түнін телескоппен тамашалау, және басқа да инновациялық іс-шараларды өткізу жоспарланып отыр.