Астанада екі бала лифт ішінде қалып қойған

Елордалық құтқарушылар лифт ішінде қалып қойған балаларға көмекке келді, деп хабарлайды BAQ.KZ Төтенше жағдайлар министрлігіне сілтеме жасап.

Белгілі болғандай, Астана қаласының Есіл ауданындағы тұрғын үйлердің бірінде 3-4 қабаттардың аралығында лифтте екі бала қалып қойған.

Шақыру орнына келген құтқарушылар "Фомка" әмбебап ломның көмегімен лифт есігін ашып, 2014 және 2015 жылы туған балаларды құтқарды, - делінген ведомство таратқан ақпаратта.

Балалар ата-аналарына табысталды. Оларға медициналық көмекке қажет болмады.