Астанада дәмхана өртенді

Астанада «Тұлпар» сауда үйінің аумағындағы кафеден өрт шықты, деп хабарлайды BAQ.KZ.

Елорда ТЖД баспасөз қызметінің мәліметінше, оқиға 21 маусым күні кешке болды.

Өрт сөндірушілер оқиға орнына жеткен кезде 40 шаршы метр аумақта жеке тұрған кафенің қоймасы жанып жатқаны анықталды.

ТЖД күштерімен өрт 21:29-да оқшауланып, 21:50-де сөндірілді. Өртті сөндіруге жеке құрамның 19 адамы және Астана ТЖД үш техникасы жұмылдырылды. Құрбандар мен зардап шеккендер жоқ, - деп хабарлады баспасөз қызметі.