Астанада бір мезетте 12 000 көрермен Әнұранды орындады

Ретро-фестиваль барысында "Барыс Арена" спорт кешенінде бір мезгілде 12 000 адам Қазақстан Республикасының Мемлекеттік Әнұранын орындады, деп хабарлайды BAQ.KZ қала әкімдігіне сілтеме жасап.

Бұл жарқын әрі шабыттандыратын оқиға барлық жастағы көрерменді бір арнада тоғыстырып, бірлік пен патриотизмнің символына айналды.

Ел үшін мақтаныш пен ортақ күш қатысушылардың жүрегінде ұзақ уақыт сақталатын мерекенің ұмытылмас атмосферасын құрды.

Естеріңізге сала кетейік, Тәуелсіздік күніне орай Қазақстан астанасының орталық көшелеріндегі LED-экрандарында, ҚТЖ, ЭКСПО ғимараттарының медиа қасбеттерінде және айналма дөңгелегінде Мемлекеттік тудың бейнесі пайда болды.

Астанада концерттер, көрмелер, конкурстар, спорттық турнирлер сынды жиыны 50-ден астам мерекелік іс-шара өтеді.