Астанада бір мектептің оқушылары телефоннан бас тартты

Астана қаласындағы Абай Құнанбайұлы атындағы №87 мектеп-гимназиясының оқушылары буллингке қарсы тұру мақсатында білім ордасында ұялы телефонды пайдаланудан біржола бас тартты, деп хабарлайды BAQ.KZ тілшісі.

Бұл бастаманы мектеп әкімшілігі көтеріп, ата-аналар мен оқушылар бір ауыздан қолдаған.

Екі жылдан бері осы тәртіпті пайдаланып келе жатқан мектепте балалар арасында құқықбұзушылық орын алмаған.

 Керісінше, оқушылардың білімге құштарлығы артты, - дейді мектеп басшылығы.

Еске сала кетейік, қазақстандық полицейлер бопсалаумен айналысқан 20-дан астам жастар тобын ұстағаны туралы оған дейін жазғанбыз. Балалар омбудсмені Динара Зәкиева мектепке жасөспірімдер ісі жөніндегі инспекторды қайтару керектігін айтты.