Астанада бес қабатты паркинг өртенді

Астанада 25 наурызда бес қабатты жабық паркинг өртенді, деп хабарлайды BAQ.KZ Төтенше жағдайлар министрлігіне сілтеме жасап.

Өрт сөндірушілер келгеннен кейін жеке жабық паркингтің бірінші қабаттындағы қойма бөлмесінде алдын-ала өрт шыққандығы анықталған.

Астана қаласы ТЖД жеке құрамынан 65 жуық адам, 13 бірлік техника жұмылдырылған. Өртті сөндіру бойынша жедел штаб ашылды. Өрттің себебі анықталып жатыр, - делінген ведомство таратқан хабарламада.

Тілсіз жау сағат 18:56-да сөндірілгені белгілі болды. Өрт алаңы 50 шаршы метрді құраған. Зардап шеккендер жоқ.