Астанада алты бағдарға қосымша автобустар жіберіледі

Бұл туралы "City Transportation Systems" ЖШС баспасөз қызметі мәлім етті, деп хабарлайды BAQ.KZ.

16 және 18 қарашада 6 бағдарға жұмыс күндері және демалыс күндері қосымша кестелер қосылады. Бұл автобустар санын арттырып, күту уақытын 2 минутқа қысқартуға мүмкіндік береді, - делінген хабарламада.

16 қарашадан бастап демалыс күндері №28 бағдарға +1 автобус қосылады – желіде 12 автобус жүреді (бұрын 11).

18 қарашадан бастап жұмыс күндері желіге 11 қосымша автобус шығады, бұл келесі өзгерістерге әкеледі:

- №4 бағдар – 16 автобус (бұрын 14);

- №40 бағдар – 22 автобус (бұрын 20);

- №41 бағдар – 14 автобус (бұрын 11);

- №57 бағдар – 12 автобус (бұрын 10);

- №63 бағдар – 12 автобус (бұрын 10).

Айта кетейік, барлығы 6 бағдар бойынша 12 автобус жолға шығады. Қалада көліктік қызмет көрсетуді жақсарту жұмыстары жалғасып жатыр.