Астанада 1 маусымнан бастап алғаш рет №55 айналмалы бағдары іске қосылады

Астана қаласында 1 маусымнан бастап алғаш рет №55 айналмалы бағдары іске қосылады, деп хабарлайды BAQ.KZ CTS-ке сілтеме жасап.

Бағыт елорданың «Министрліктер Үйі», «Хан Шатыр» СОО», «Гүлжан» СҮ», «Р.Бағланова атындағы Қазақконцерті», «Е. Рахмадиев атындағы филармония» сияқты негізгі көлік тораптарын қамтиды.

№ 55 бағдардың бірыңғай соңғы аялдамасы «№2 Ақмола облыстық ауруханасы» болады.

Бағытын нөмірлеудегі әріптер бойынша анықтауға болады: А – сағат тілімен, Б – сағат тіліне қарсы.

Бағдармен «Iveco Urbanway» маркалы 20 автобус жүреді. Қозғалыс аралығы 8-15 мин құрайды.

Айналмалы бағдар қоғамдық көліктің қызметін жақсартуға және негізгі магистральдік көшелердің көлік қатынасын қамтамасыз етуге мүмкіндік береді. Сондай-ақ, 23 бағдардың жүктемесін азайтуға ықпал етеді. (№№ 5, 5А, 8, 9, 11, 13, 17, 22, 22А, 23, 26, 28, 31, 32, 33, 46, 50, 51, 53, 56, 60, 66, 73).