Astana Marathon-ға 27 елдің тұрғындары қатысты

Нұр-Сұлтан, BAQ.KZ. Елордаға 27 елдің тұрғындары келді. Бұл туралы қала әкімдігінің ресми сайты хабарлады.

Astana Marathon 2019 қатысушыларының жалпы саны 5 мыңнан адамнан асты.



"Барлық қатысушыларды Astana Marathon 2019 ашылуымен құттықтаймын. Мемлекет басшысы елімізде бұқаралық спортты дамытуға шақырады. Ауа райына және демалыс күндеріне қарамастан, сіздер берілген қашықтықтарды жүгіріп өтуге ниет білдірудесіздер. Astana Marathon 2019 Елбасы жариялаған Жастар жылының аясында өтіп жатыр. Біз барлық спорт түрлерін дамытуға бар күшімізді саламыз. Сіздерге сәттілік тілеймін", - деді А. Көлгінов.



Қазақстандық жеңіл атлет Ольга Рыпакова марафонға қатысушыларға сәттілік тіледі. Жүгірушілерге 10 және 42 км қашықтықтары ұсынылды.

Марафонға Серік Сәпиев, Мерей Ақшалов, Мейірім Нұрсұлтанов және т. б. атақты спортшылар қатысты.