Астана әуежайының ұшу-қону жолағы уақытша жабылды

Нұрсұлтан Назарбаев халықаралық әуежайының баспасөз қызметі рейстердің кешігуі туралы ақпаратпен бөлісті, деп хабарлайды BAQ.KZ.

Белгілі болғандай, Астана әуежайының ұшу-қону жолағы қолайсыз ауа райы және техникалық қызмет көрсетуге байланысты уақытша жабылды.

Құрметті жолаушылар! 2025 жылғы 21 қаңтар күні жергілікті уақытпен сағат 8:33-тен 10:33-ке дейін Астана әуежайының ұшу-қону жолағы қолайсыз ауа райы және техникалық қызмет көрсетуге байланысты уақытша жабылады. Ұшу-қону жолағын қардан тазалап, қауіпсіздікті қамтамасыз ету үшін әуежай аумағында 10 арнайы техника жұмыс істеп жатыр, - деп хабарлады әуежайының баспасөз қызметі.

Қазіргі уақытта жоспарланған 70 рейстің 6-ы кешіктіріліп, күтілетін 68 рейстің 14-і де кешігуде. Барлық кешігулер ауа райы жағдайы мен аэродромға техникалық қызмет көрсетуге байланысты.

Жолаушылар рейстердің жай-күйі мен кестедегі өзгерістер туралы ақпаратты әуежайдың ресми сайты www.nn-airport.kz арқылы немесе тәулік бойы жұмыс істейтін байланыс орталығынан: 8 (7172) 702-999 біле алады.

Осы жағдайға түсіністікпен қарауды және жаңартуларды бақылауды сұраймыз, - делінген хабарламада.