Астана әуежайында 23 рейс кешіктірілуде

Астана халықаралық әуежайында ұшып келетін 13 рейс және ұшып кететін 10 рейс кешігіп жатыр, деп хабарлайды BAQ.KZ.

Әуежайдың баспасөз қызметі мәлім еткендей, бұған елордадағы қолайсыз ауа райы себеп. 

"Қазгидромет" РМК хабарлауынша, Астанада демалыс күндері жауын-шашынның айлық мөлшерінен көп қар жауған. Әдетте бір айда шамамен 22 мм қар түсетін, ал бүгінгі таңда ол 37,6 мм-ге жеткен. 

Қазір 2 мыңнан астам адам қар тазалауға жұмылдырылды.

Тек 16-сынан 17-сіне қараған түні ел астанасында 23 мың шаршы метр қар шығарылған. Ол 1671 жүк көлігіне тең.