Астанаға үш мың тоннадан астам көмір жеткізілді

Астана, BAQ.KZ. 22 қаңтардағы жағдайға сәйкес елордадағы қатты отынның жалпы қоры 15 841,69 тоннаны құрайды. Бұл туралы Астана қаласы әкімдігінің ресми сайты хабарлайды.

22 қаңтарда Астанаға 3 036 тонна көмір жеткізілді. Оның 2 070 тоннасы – «Шұбаркөл», 345 тоннасы – «Қаражыра», 621 тоннасы – «Майкөбе» маркалы көмі.

Ал көмір бағасы төмендегідей:

«Шұбаркөл» тоннасы – 11 300 теңге,

«Қаражыра» тоннасы – 13 200 теңге,

«Майкөбе» тоннасы – 12 000 теңге,

«Богатырь көмірі» тоннасы – 9000 теңге,

«Кузнецкий» тоннасы – 12 250 теңге.

Астана қаласының отын-энергетикалық кешені және коммуналдық шаруашылық басқармасы баға өсімінің алдын алу үшін көмір сатушылармен меморандумдарға қол қойды.

2018 жылдың 1 тамызынан 3 қаңтарға дейін 339,5 мың тонна сатылды.

Бүгінгі таңда, көмір нарығында жағдай қалыпты, проблемалық мәселелер жоқ. Астана қаласы әкімдігі көмір нарығындағы жағдайды күн сайын бақылап, үнемі қадағалайды. «I-Kөмек» негізінде тұрғындарға арналған жедел желі жұмыс істейді.