Әскери қызметшілер Атырауға көмекке аттанды

Әскери қызметшілер Құлсарыға су тасқынына қарсы күресте көмек көрсетіп, әрі қарай Атырауға көмекке аттанды, деп хабарлайды BAQ.KZ.

Бұл туралы Қорғаныс министрлігінің баспасөз қызметі мәлім етті.

Қарулы күштердің 41433 әскери бөлімінің әскери қызметшілері Құлсары қаласында су тасқынына қарсы күресте көмек көрсетіп, әрі қарай Атырауға аттанды. Біраз тынығып, олар Атырау облысының Махамбет ауданына кетті, ол жерде де су апатының салдарымен күресетін болады, - делінген хабарламада.