Ашық есік күні: 1670 әйел маммолог тексеруінен өтті

Нұр-Сұлтан, BAQ.KZ. Қазақстанның онкологиялық орталықтарында, сондай-ақ Қазақ онкология және радиология ғылыми-зерттеу институтында сүт безі қатерлі ісігінің ерте диагностикасы мен алдын алуға арналған бірыңғай ашық есік күні өткізілді.

Бұл туралы ДСМ баспасөз қызметі хабарлады.

Ашық есік күні маммологтардың тексеруінен 1670 әйел өтті. Осы санның ішінде 64 әйелде сүт безінің қатерлі ісігі бар деген күдік бар. 472 әйелде сүт безінің қатерсіз аурулары алдын ала анықталған. Тағы 290-ы басқа аурулар.

Сүт безі обыры Қазақстандағы онкологиялық аурулар құрылымында бірінші орында тұр. Жыл сайын бұл диагнозды біздің елімізде 4 мыңға жуық әйел хабарланады.

Дүниежүзілік денсаулық сақтау ұйымы (ДДСҰ) қазан айында 1993 жылы сүт безінің қатерлі ісігіне қарсы күрес айын жариялады.

Әлемнің көптеген елінде, соның ішінде Қазақстанда сүт безі обыры (РМЖ) қатерлі ісіктер құрылымында 1-орын алады. Қазақ онкология және радиология ғылыми-зерттеу институтының деректері бойынша, Қазақстан Республикасында жыл сайын орта есеппен 4000-ға жуық сүт безі обыры (СБО) ауруы анықталып, 1400 әйел көз жұмады.

СБО ерте сатысында уақтылы диагностикалау кезінде пациенттерді толық емдеу 95 пайызға дейін құрайды.

Қазақстанда 10 жылдан астам уақыт бойы сүт безі обырын ерте анықтау бойынша әйелдер үшін тегін скрининг жүргізілуде. Тегін скрининг пен маммографиядан тұрғылықты (тіркелген) жері бойынша 40 жастан 70 жасқа дейінгі емханаларда өтуге болады.

Сонымен қатар әйелдерге гинеколог пен маммологқа үнемі (жылына бір рет) бару ұсынылады.

Алдын ала диагностика өмірді сақтайды.