Арыста түйе сүтін өңдейтін цех ашылады

Нұр-Сұлтан, BAQ.KZ. Түркістан облысы Арыс қаласында түйе сүтін өңдеп, құрғақ сүт өндіретін цех құрылысы аяқталуға жақын. Бұл туралы Түркістан облысының Өңірлік коммуникациялар қызметі хабарлады.

Шаһар басшысы Гүлжан Мамытқызы нысанмен арнайы барып танысып, жобаның өңір үшін маңызды екенін атап өтті. 

Шара аясында цех директоры Ербол Әнуарбекұлы жылына 72 тоннадан астам түйе сүтін өндіруге қауқарлы екендігін мәлімдеді. 

Жоба биыл ақпан айының соңында аяқталады деп жоспарлануда. Жобаның жалпы құны 200 млн теңгені құрайды. Цех іске қосылса 20 адамды жұмыспен қамтиды деп көзделуде. Мұнда әзірленген өнімдер ішкі нарықтан бөлек алыс-жақын шетелдерге экспортталады деп жоспарлануда.