«АрселорМитталдың» 8 шахтасында жұмыс уақытша тоқтатылды
Төтенше жағдайға байланысты «АрселорМиттал Теміртау» АҚ Көмір департаментінің барлық сегіз шахтасының жұмысы уақытша тоқтатылды, деп хабарлайды BAQ.KZ Қарағанды облысы әкімінің баспасөз қызметіне сілтеме жасап.
Үкіметтік комиссия Қарағанды облысындағы Ленин атындағы шахтада жұмыс істеп жатыр. Онда бес адам қаза тауып, төртеуі зардап шекті. Метанның кенеттен шығуы 3 қарашаға қараған түні газды дренажды ұңғымаларды бұрғылау кезінде орын алған. Төтенше жағдайға байланысты «АрселорМиттал Теміртау» АҚ Көмір департаментінің барлық сегіз шахтасының жұмысы уақытша тоқтатылды.
Өңір басшысы Жеңіс Қасымбек пен ТЖ министрі Юрий Ильин Өңірлік коммуникациялар қызметінің алаңында өткен брифингте сөз сөйледі. Олар қаза тапқан жерасты жұмысшыларының отбасыларына көңіл айтты.
Бұл үлкен трагедия. Қазір Мақажанов ауруханасында жатқан зардап шеккендерге барлық қажетті медициналық көмек көрсетіледі. Әкімдік тарапынан оларға барлық қажетті көмек көрсетіледі. Сонымен қатар компания Еңбек Кодексі мен ұжымдық шарттың барлық талаптарын орындауға міндетті. Оның ішінде 10 жыл көлемінде жалақы мөлшерінде материалдық өтемақы төленуі тиіс, – деді Жеңіс Қасымбек.
Үкіметтік комиссияға ТЖМ, еңбекті қорғау, әлеуметтік қорғау, денсаулық сақтау, сондай-ақ «АрселорМиттал Теміртау» компаниясының өкілдері кірді. Юрий Ильиннің айтуынша, жарылыс техникасының мамандары мен бірнеше тәуелсіз ұйымдар да тартылған.
Ол дабылдан кейін шахта диспетчері дереу эвакуациялау жоспарын енгізу туралы шешім қабылдағанын атап өтті. Апат шамамен 800 метр тереңдікте болды.
Премьер-vинистрдің бұйрығымен басқаратын мемлекеттік комиссия тағайындалды. Комиссия алғашқы жұмыс кеңесін өткізді. Қазір іздеу-құтқару бөлімшелері шахта ішіндегі жұмыстарын жалғастыруда. Барлығы дерлік жойылды, түтін бар. Қазір шахтаны белсенді желдету және учаскелерді барлау жұмыстары жүргізілуде. Қабылдау мүмкіндігіне қарай комиссия бүгін түнде оқиға болған жерді тексеруге кіріседі. Газ тарауының себебін комиссия анықтайды, – деп түсіндірді Юрий Ильин.
Министр қазіргі уақытта «АрселорМиттал Теміртау» КД барлық шахталарының жұмысы қосымша нұсқама жүргізу, учаскелерді тексеру және шахтаға түсетін қызметкерлердің сынақтарын қабылдау үшін бір тәулікке тоқтатылғанын хабарлады.
Ленин атындағы шахта бойынша зардаптарды жою жөніндегі барлық іс-шаралар, сондай-ақ сараптама комиссиясының жұмысы аяқталғаннан кейін комиссиялық шешім қабылданады, - деп толықтырды ТЖМ басшысы.
ҚР ҚК 277-бабының 3-бөлігі бойынша сотқа дейінгі тергеу басталды.